ЕЭК техникалық реттеу санын 66-ға жеткізуді жоспарлауда – Т.Доскенов

«Комиссия бүгінге дейін 34 техникалық реттеу қабылдап, оның санын болашақта 66-ға дейін жеткізбекші. Ал Еуропалық одақта бар болғаны тек 20 техникалық реттеу бар. Осы тұрғыда біз қазіргі таңда техникалық реттеулер санының артықтығын көріп отырмыз», - деді ол.  

Оның айтуынша, отандық тауар өндірушілердің КО елдеріне экспорт шығара алмайтын жағдайлары да кездесіп жатыр.

«КО мен Ресей сертификаттарымен сәйкстендіруден бөлек Ресейге тауар тасымалдау компанияларымен байланысты бірқатар мәселелер де бар. Қосымша тағы бірқатар процедуралардан өту керек. Атап айтар болсақ ол тіркелу, бірыңғай энергетикалық жүйенің федералды желілік компанияларындағы құрылғыны сынау», - дейді Т.Доскенов.

Сонымен қатар, оның мәліметінше, құрылыс саласындағы мәселелер де әлі шешімін таппаған.