• Басты
  • Мектеп бітірушілер «Сенің таңдауың» жобасы арқылы қалаған мамандығын таңдай алады
8 Сәуір, 2013 00:00

Мектеп бітірушілер «Сенің таңдауың» жобасы арқылы қалаған мамандығын таңдай алады

Астанада мектеп бітірушілерге мамандық таңдауға көмектесетін "Сенің таңдауың" жобасы бастау алды.

Мектеп бітірушілер «Сенің таңдауың» жобасы арқылы қалаған мамандығын таңдай алады | Strategy2050.kz

Аталған жоба аясында елордалық мектеп оқушылары қаланың өндіріс орындарымен танысып, оларға жоғары және орта оқу орындарына түсу талаптары мен одан әрі жұмысқа орналасу мүмкіндіктері туралы айтылады. 

Статистика бойынша, Астанадағы жоғары және орта оқу орындарында оқитындардың шамамен 79%-ы гуманитарлық, ал 21%-ы ғана техникалық білім алады. Сонымен қатар, қала нарығында техникалық мамандарға сұраныс 75%-ға жетіп отыр. Ал бос орындардың төрттен бір бөлігі ғана гуманитарлық сала мамандарына тиесілі.

Жобаны ұйымдастырушылардың пікірінше, оқушылар мамандықтардың көпқырлылығымен танысуға, әртүрлі мамандықтардың қыры мен сырын үйренуге, мамандардың жұмыс орындарын көруге мүмкіндік алады, сонымен қатар, кәсіпқой мамандармен жұмысқа орналасу мүмкіндіктері туралы сөйлесе алады.

«Сенің таңдауың!» жобасы биылғы жылдың 4 сәуірінде  басталды. Енді бір ай бойы 20 000-ға тарта жоғары сынып оқушысы қаланың ірі кәсіпорындарымен танысады. Олардың қатарында «Целингидромаш» ӨК, «Локомотив құрастыру зауыты» АҚ, «Астана локомотив сервис орталығы» АҚ,  «Астана Полиграфия» АҚ, «Целинная» жеңсік тағамдар фабрикасы» ЖШС, «Концерн «Цесна-Астық» ЖШС және тағы басқа кәсіпорындар бар, - дейді шараны ұйымдастырушылар.

«Сенің таңдауың!» жобасы Астанада жылдың аяғына дейін жалғасады. 

ҰСЫНЫЛАДЫ
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды