Қазақстанда жұмысшыларды сертификаттайтын 6 орталық ашылады – А.Сәрінжіпов

«2014-2016 жылдарға бiз iске асырылатын маңызды iс-шараларды жоспарлап қойдық: дуалдық бiлiм беру аясында кәсiпорындармен келiсiмдер жасауды жандандыру, колледждердiң материалдық-техникалық базасын түгендеу және қайта жарақтандыру. Сонымен қатар, биылғы жылы жұмыс берушiлер жанынан жұмысшыларды сертификаттайтын 6 орталық құрылады», - дедi А.Сәрiнжiпов.

Сонымен қатар, колледждерге үлкен академиялық еркіндік беруде оқыту бағдарламаларын хаттау өткізіледі. Биылдан бастап кәсіби стандарттар базасында оқыту бағдарламалары мен оқулықтарды интеграциялау  дайындалады.

«Техникалық жән кәсіптік білім беру ұйымының 10 мыңдай оқытушысының біліктілітерін арттыру жоспарланып отыр. Сонымен қатар, аталмыш оқыту ұйымдарына оқытушыларды өндірістен тарту қарастырылған. Және де техникалық және кәсіптік оқыту ұйымдарының жатақханаларына күрделі жөндеу жұмыстары жүргізіледі», - дейді еліміздің бас ұстазы.

Осыған орай, министрдің айтуынша, бірінші кезекте «Білім беру туралы» Заңға толықтырулар енгізілмек. Соның ішінде дуалды оқыту, қоолданбалы бакалавриат мәселесіне қатысты өзгертулер болады.

Бұдан бөлек Салық және Еңбек кодекстеріне, «Жұмыспен қамту» Заңына, «Мемлекеттік жастар саясаты» заң жобасына толықтырулар енгізу жоспарлануда.  

Жалпы, соңғы төрт жылда техникалық және кәсіптік білім берудің бюджеттік қаражаты екі есеге өсті.ЖОО-да қаржыландыру көлемі 20% көбейді.

Камила Амирова