Ақмола облысында «БЖК-2020» бағдарламасын жүзеге асыру үшін 2,5 млрд теңге бөлінді

16 Мамыр, 2014 09:44

Ақмола облысында «Бизнестің жол картасы-2020» бағдарламасын іске асыру үшін 2014 жылы 2,5 млрд теңге бөлінді, деп хабарлады кәсіпкерлік және өнеркәсіп басқармасының жетекшісі Т.Хамитов.

Қазіргі таңда «Бизнестің жол картасы-2020» бағдарламасы бойынша 246 жоба мақұлданды. Соның ішінде 185 жобаға пайыздық үстемені субсидиялау үшін жалпы құны 39,6 млрд теңге болатын несие берілмек.

Айта кету керек, «Бизнестің жол картасы-2020» бағдарламасы аясындағы мемлекеттік қолдау шараларының арқасында Ақмола облысында шамамен 4 мыңдай жаңа жұмыс орны ашылмақ.

Қазіргі таңда қаржылық емес қолдау шаралары 5,6 мың адамға көрсетілсе, шамамен 8,3 мыңдай қызмет көрсетілген.

«Бизнес-кеңесші» жобасы бойынша 4,2 мың адам курс өтсе, «Іскерлік байланыс» жобасы арқылы 114 адам білімін толықтырған.

Айта кету керек, 2010-2013 жылдары «Бизнестің жол картасы-2020» бағдарламасын іске асыру үшін мемлекет тарапынан Ақмола облысына 3,1 млрд теңгедей қаржы салынған. Биыл бағдарламаны іске асыру үшін тағы 2,5 млрд теңге бөлінді.

Барлық жаңалықтар