Алматыда «Есентай» шағын электр станциясы іске қосылады
15 Мамыр, 2014 14:35
Қалалық әкімдіктің хабарлауынша, жобаның іске асырылуы алдағы 20-25 жылда Алматы қаласын тұрақты электр энергиясымен қамтамасыз етуге мүмкіндік береді.
«Есентай» шағын станциясының трансформаторлық қуаттылығы 126 МВА құрайды. Оған халықаралық талаптарға сай алдыңғы қатарлы заманауи құрылғылар орнатылған.
Айта кету керек, шараға Алматы қаласы әкімі Ахметжан Есімов пен «Самұрық-Энерго» АҚ жетекшілігі қатысады.
Бұрындары да айтылғандай, Алматыдағы тағы төрт жаңа шағын электр станциясының құрылысы биыл басталмақ. Аталмыш жұмыстар Инвестициялық бағдарлама аясында жүргізіледі. Жаңа шағын электр станциялары қаланың төменгі жағынан салынбақ. Солардың екеуі алдағы жылыту маусымына дейін жұмыс істей бастаса, қалғандары 2016 жылдың соңына дейін аяқталмақ.
