Атырауда жұмыспен қамту бағдарламасы бойынша 3,8 мың адам жұмысқа орналасады

«Атырау облысындағы жұмыссыздарды жұмыспен қамту 3 негізгі бағыт бойынша жүзеге аспақ. 690 жұмыс орнын жаз уақытында білім беру объектілерін жөндеу жұмыстарына ашу жоспарланса, 860 адам жыл соңына дейін өз жеке бизнесін ашуға микронесие бөлу арқылы жүзеге аспақ. Ал, қалған жұмыссыздар жастар тәжірибесі және әлеуметтік орындар арқылы қарастырылады», - деді облыстық жұмыспен қамту, әлеуметтік бағдарламалар басқармасының басшысы К.Мұқашкереева.

Атырау облысына жаңа жұмыс орнын ашуға және адамдарды жұмыс орнына орналастыру үшін республикалық бюджеттен 3 млрд теңгеден астам қаржы бөлінген.