Б.Сағынтаев ЕЭК кеңесінің отырысына қатысты

14 Мамыр, 2014 17:53

Бүгін Мәскеуде ҚР Премьер-Министрінің бірінші орынбасары Бақытжан Сағынтаев Еуразиялық экономикалық комиссия (ЕЭК) кеңесінің отырысына қатысты. Онда Еуразиялық экономикалық одақ (ЕАЭО) туралы Келісім жобасын дайындау мәселелері қаралды, деп Премьер-Министрдің ресми порталы хабарлады.

«ЕАЭО туралы Келісім жобасы әзірленді. Келесі қадам ішкі мемлекеттік процедураларды жүргізу болады. Сондай-ақ, Келісім жобасы осы жылғы 29 мамырда Астанада өтетін Жоғарғы Еуразиялық экономикалық кеңес отырысы барысында мемлекет басшыларының қол қоюына дайындау үшін мемлекеттік тілге аударылатын болады»,-деді Б.Сағынтаев ЕЭК кеңесі қортындысы бойынша.

Тұтастай алғанда, ЕАЭО туралы Келісім жобасы одаққа мүше мемлекеттер экономикасын, оның ішінде көлік, энергетика, агроөнеркәсіп салаларын, ортақ нарықта адал бәсекелестікті дамыту үшін өзара тиімді, тең құқықты экономиканы өрістетуге қосымша серпін береді.Тұтастай алғанда, Келісім жобасын дайындау шеңберінде келісімдерге қол жеткізу жөнінде алға үлкен қадам жасағанымызды атап өтемін.

«Біздің бірлескен жұмысымыз елдеріміз арасындағы интеграцияның жоғарғы деңгейде екенінің көрінісі, тең құқықты әріптестік қатынас әлеуетін тиімді пайдалануға пейіл екенімізді атап өтуге тиіспін»,-деп сөзін қортындылады Б.Сағынтаев.

Барлық жаңалықтар