Астанада Ұлттық студенттік лиганың алғашқы матчы өтті (ФОТО)
14 Мамыр, 2014 17:22
Бүгін Астанадағы «Автомобилист» стадионында елорданың сегіз ЖОО қатысқан Ұлттық студенттік лиганың ресми ашылуы өтті.
Ашылу матчы ЕҰУ мен Қаржы академиясы арасында өтті. Ойын ресми ашылу салтанатынан кейін бірден өтті.
Естеріңізге сала кетейік, Ұлттық студенттік лига 2014 жылдың 12 мамырында Қазақстан Республикасы Білім және ғылым министрлігі мен Қазақстанның Футбол федерациясы арасындағы ынтымақтастық туралы Меморандум нәтижесінде құрылған.
Лиганың құрылуы студенттер арасында бұқаралық спортты дамытуға негізделіп, белсенді және мобильді әлеуметтік топ – студенттер арасында салауатты өмір салтын қалыптастыруға бағытталған.
