Қазақстан білім беруді қаржыландыру бойынша ЭЫДҰ елдері көрсеткішіне жетті (Брифинг бейнебаяны)
«Біздің міндетіміз – жұмыс беруші мен өндірістің білім беру жүйесімен бірге жұмыс істеуі үшін, тығыз байланыс ұстауы үшін білім берудегі теңсіздікті шешу себептерін анықтау. Біз жұмыс берушілердің қаржы салуы үшін маман дайындауда жұмыс беруші мен білім берудің теңдей жауапкершілікті арқалауына жағдай жасайтын жүйе құруымыз керек. Дамыған елдерде 30 пайызға дейін салынса, бізідң елде бұл көрсеткіш тек 1 ғана пайыз. Мамандарды дайындау мәселесінде жүйелік болуы керек. Барлық министрлік өзінің құзіреті бойынша осыны қолға алуы керек», - деді У. Бишімбаев.
Оның айтуынша, жастардың шамамен 80%-ы ЖОО-да, қалғандары техникалық және кәсіптік білім беру ұйымдарында білім алады.
«Бізде бұрын колледждер мен ЖОО-ы түлектің жұмысқа орналасуына жауап беретін. Осы процеске мониторинг та жасалды. Енді жауапкершілік бойынша осындай мониторинг құру керек», - дейді депутат.
«Білім беру мен маман дайындаудың ЭЫДҰ елдерінің көрсеткішіне жету үшін Қазақстанда барлық жұмыстар атқарылып жатыр. Қазіргі таіңда ЖІӨ-нің 4 пайызы білім беруге бөлінеді. Біз жоғарыдағы көрсеткішке жетіп қалдық», - деді ол.
