• Басты
  • ЭКСПО-2017-ге арналған Ұлттық павильонның құрылысы маусым айында басталады
14 Мамыр, 2014 12:31

ЭКСПО-2017-ге арналған Ұлттық павильонның құрылысы маусым айында басталады

ЭКСПО-2017-ге арналған Қазақстанның Ұлттық павильоны құрылысы 2014 жылдың маусым айында басталады. Бұл туралы бүгін ҚР Президенті жанындағы Орталық коммуникациялар қызметінің брифингінде «Астана ЭКСПО-2017» ұлттық компаниясының архитектура департаментінің директоры Қанат Мұқашев мәлімдеді.
ЭКСПО-2017-ге арналған  Ұлттық павильонның   құрылысы маусым айында басталады

«Бір айдан кейін Қазақстанның Ұлттық павильонының  құрылысы, атақты американдық  Adrian Smith + Gordon Gill Architecture бюросы авторлығының ерекше архитектуралық нысанының құрылысы басталады. Қазақстанның Ұлттық павильоны – диаметрі 80 метр болатын ірі сфера . Ол Париждің символына айналған Эйфель мұнарасы секілді «Астана ЭКСПО-2017» көрме кешенінің сәніне айналуы керек», - дейді ол.

Оның айтуынша, ұлттық компанияда, Көрме кешенінің барлық 26 нысан  құрылысы халықаралық, корпоративтік және тақырыптық павильондар, тұрғын үйлер, мектептер, балабақшалар, қонақ үй, конгресс хол, конференция  мен баспасөз орталықтары, ЭКСПО кеңсесі, Энерджи холл, коммерциялық және сауда аумақтары, жабық қала,ЭКСПО плаза мен шығармашылық орталықты қамтиды. Осының барлығын компания 26 айда салып шықпақ.  

Өздеріңізге де белгілі, «Астана ЭКСПО-2017» көрме кешені шығыстан батысқа Қабанбай батыр мен Орынбор даңғылдары аралығында солтүстігі Хусейін бин Талал мен оңтүстігінде Тұрар Рысқұлов көшлері аралығындағы 173,4 гектар жерге салынбақ. Құрылыстың негізгі бөлігі 2015, 2016 жылдарына жоспарланған. 2017 жылдың басынан бастап қатысушы елдер өз нысандарына монтаждау жұмыстарын бастай береді.

Камила Амирова 

Барлық жаңалықтар