«Самұрық-Қазынаның» Инвестициялық картасы бойынша 22 жоба жүзеге асырылуда – Б. Сағынтаев

13 Мамыр, 2014 19:01

«Самұрық-Қазынаның» Инвестициялық картасы бойынша 22 жоба жүзеге асырылуда. Бұл туралы Орталық коммуникациялар қызметінің баспасөз отырысында Премьер –Министрдің бірінші орынбасары Бақытжан Сағынтаев мәлімдеді.

«Самұрық-Қазына» АҚ кестесімен «Инвестициялық карта» аясында барлығы 22 жоба іске асырылуда. Соның ішінде мұнай-газ секторында 11 жоба болса, оның 1 жобасы аяқталып, тағы 10 жоба жүзеге асырылуда. Мұнай-химия секторында 1 жоба, энергетикалық секторда 6 жоба, тау-кен металлургиясында 2 жоба қарастырылған», - дейді ол.

Сонымен қатар, тағы екі жоба жоспарланған: «Ырғыз-Шалқар-Бейнеу» учаскісін қалпына келтіру» мен «Үлкен Алматы айналым автожолы».

«Жоғарыда аталған бірлескен жобаларды іске асыру шетелдік капиталды тартудың маңызды бөлігі болып табылады», - дейді Б.Сағынтаев.

Айта кету керек, биылғы жылдың 19-21 мамырында Мемлекет басшысының ҚХР-на Мемлекеттік сапары мен Шанхайдағы АӨСШК-нің IV саммитіне қатысу жоспарланған. ҚХР-на сапары барысында ҚХР төрағасы Си Цзиньпинмен келіссөздер жүргізіп, екіжақты құжаттарға қол қойылмақ.

Камила Амирова

Барлық жаңалықтар