Гари Ходгкинсон Қазақстандағы геологиялық барлаудың 2 даму бағытын атап көрсетті

«Қазақстан әлі де болса заңнамалық базаны жетілдіру жолында. Яғни, оны нарықтық секторға оңтайландыру барысында. Осы бағытты басты мәселе білім беру кезеңі болып табылады. Сауатты мамандарды даярлайтын кадрлар, мамандар керек. Біз осы салада білім беру саласын алға итермелейтін кадрлардың тапшы екенін түсінеміз»», - деп Гари Ходгкинсон ағынан жарылды.

Екінші бағыт оның пайымынша заңнамалық базаны жетілдіру.

«Демек, біз тек инвесторларды тарту үшін ғана емес сонымен қатар, оларға жағдай жасауға жұмыс істеуіміз керек. Сондай-ақ бұл мәселелрді бір күнде шешу мүмкін емес екенін естен шығармаған жөн. Алайда бүгінде Қазақстанда жасалып жатқан жағдайлар аталмыш мәселелердің оңтайлы шешімін табуға септігін тигізеді деп ойлаймын», - деді сарапшы.

Оның айтуынша, кеңес заманында Қазақстанда үлкен геологиялық барлау жұмыстары жүргізілген. Алайда олар тереңдікте жүргізілмеген еді, ал бүгінгі заманауи технологиялар мұндай зерттеу жұмыстарын жүргізуге мүмкіндік алып отыр.

«Бүгіннің өзінде жаңа технологиялар көп және жаңа әдістер қолданылуда. Егер осындай технологияларды, үздік әлемдік тәжірибелерді, үздік мамандарды тартатын болсаңыздар оның болашағы зор. Бастысы минералды шикізат базасының әлеуеті зор болса болғаны», - деп Гари Ходгкинсон атап өтті.

Мадина Нұрбекова