Астанада балаларға арналған ғаламтор қауіпсіздігінің проблемалары талқылануда
«Қазіргі заманның балалары мен жастары сандық ұрпақ болып табылады. Олар өздерін кибер кеңістікте алаңсыз сезініп, жаңа технологияларды дер кезінде танып отырады. Балаларға қатысты осынау өзгерістерге оқытушылар мен мектептер қаншалықты дайын? Балалардың сандық кеңістікті игеруін бақылауға дайын ба?», - деген сауалдар төңірегіндегі пікірлер талқыланды.
Осы салада жүргізілген зерттеулер қорытындысы көрсеткендей, балалар ғаламтор жайлы мәліметтерді ата-аналарынан артық біледі. Балаларды қажетсіз контенттерден сақтаудың бірнеше әдістері де жоқ емес.
Оның айтуынша, бүгінгі күнге дейін келіп түскен хаттамалардың барлығы шешілу үстінде.
«Өткен жылы біз 329 ақпараттық материал жарияладық, өткен жылы халықаралық ақпараттық білім беру орталығының ұйымына қосылдық. 612 онлайн-хат келіп түсті, 126-сы АҚББО бойынша балалар порнографиясын жариялау бойынша келіп түсті», - деді Ш. Сабиров.
Дөңгелек үстел барысында ғаламторда өсіп келе жатқан балаларға, жалпы кейінгі толқынның қауіпсіздігінің негіздері, Google компаниясының қауіпсіздік құралы мен ұстаздар мен ата-аналардың балаларды ғаламторда қауіпсіздікті ұстай білу тұрғысынан түрлі ұсыныстары және балалар мен өскелең ұрпақта сандық хабардарлықты құру мен арттыру бойынша ұстаздар мен ата-аналарға арналған оқыту бағдарламалары мәселелері айтылды.
Шараға мемлкеттік орган өкілдері, соның ішінде балалардың құқын қорғау саласындағы құзіретті органдар, құқық қорғау органдары, сонымен қатар сараптамалық қауымдастық, кәсіпкерлік топ, байланыс операторлары, хостинг-провайдерлер, атақты қазақстандық ғаламтор ресурс иелері, балалар құқын қорғаумен айналысатын қоғамдық бірлестіктер қатысуда.
Айта кету керек, шара ҚР Президенті жанындағы Орталық коммуникациялар қызметінің қолдауымен Қазақстанның Ғаламтор Қауымдастығы тарапынан ұйымдастырылды.
