ҚР футбол федерациясы мен БҒМ Ұлттық Студенттік Лига құруға ынта көрсетті

Тараптар аталмыш құжат оқушылар мен студенттердi тарту арқылы Қазақстандағы бұқаралық футболды дамытуға бағытталғанын атап өттi.

«Студенттік  лиганың құрылуы жастар арасында спортты дәріптеуге, дамытуға үлкен септігін тигізеді. Көктемде алғашқы ойындарды Астана қаласында өткіземіз. Қыркүйекте Алматы да қосылатын болады. Осы қадам спортқа серпін әкеледі. Дамыған елдерде студенттік спорт маңызды салалардың бірі болып есептеледі. Біздің ЖОО ортақ тәртіптен ажырамаса деген ниеттеміз», - деді білім және ғылым министрі Аслан Сәрінжіпов.

Сондай-ақ, ол ЖОО Универсиада-2017 дайындалу керектігін атап өтті.

Өз кезегінде Қазақстанның футбол федерациясының  бас  хатшысы Аллен Шайжүнісов футбол федерациясының оқушылар мен студенттер арасында салауатты өмір салтын насихаттау мақсатында мемлекет саясатының басты стратегиялық бағыттарының бірі ретінде бұқаралық спорттық қозғалысты кеңейту мен қолдау жолында жұмыс істеп жатқанын айтты.

Меморандумға сай білім беру ұйымдары арасында өңірлік және республикалық турнирлер өткізіліп, сонымен қатар елдің ЖОО басын қосатын футболдан Ұлттық Студенттік  Лига құрылады.

Айта кету керек, лиганың ресми ашылуы Астанадағы «Автомобилист» стадионында 14 мамыр күні өтеді. Ұлттық Студенттік Лиганың бірінші кезеңіне 8 команда қатысады. Турнирдің ең үздік үш ойыншысы Венгриядағы Қазақстан Ұлттық  құрамасының жолдастық кездесуіне барады. 

Камила Амирова