Украиндық әріптестер Қазғарышты «KazEOSat-1» сәтті ұшырылуымен құттықтады

12 Мамыр, 2014 13:22

Жақында Қазғарыш төрағасының атына украиндық зымыран-ғарыштық техниканы құрастырушы кәсіпорны - «Южное» Конструкторлық бюро» МК бас директоры А.В. Дегтяревтен Жерді қашықтықтан зондаудың алғашқы қазақстандық спутнигінің сәтті ұшырылуына байланысты құттықтау келді.

Өз хатында «Южное» КБ» МК басшысы соңғы жылдары Қазақстан ұлттық ғарыш саланы дамыту жолында елеулі қадам жасағанын атап өтті, деп Қазғарышта хабарлады.

«Жүзеге асырылып жатқан ғарыштық жобалар әлемдік алаңында Қазақстан Республикасын болашақта ғарыш аппараттарын құру және пайдалы жүктемені шығарудың ұлттық құралдары арқылы өз аумағынан ұшыру үдерісінің толық кезеңін қамтамасыз ете алатын жедел дамып жатқан ғарыштық мемлекеті ретінде танытуға негіз салды», - деп жазылған хат мәтінінде.

А.В. Дегтяревтің айтуынша, ол украиндық кәсіпорнының «KazEOSat-1» ұшырылуына қатыстылығы бар екеніне қуануда. Мәселен, «Южное» КБ» МК ЖҚЗ қазақстандық спутнигін орбитаға шығарған «Вега» ЗТ-нің төртінші сатысы үшін марш қозғалтқышын бірлескен құрастыру жұмысына қатысты.

Барлық жаңалықтар