Астананың сауда орталықтарында «Денсаулық дүңгіршектері» ашылады

Денсаулық сақтау басқармасы азаматтарға бірінші медициналық-санитарлық көмек көрсету деңгейін арттыру жұмыстарына басымдық береді, деп Астана қаласының әкімдігінде хабарлады.  

Осы мақсатта №10 қалалық емханада халықпен тиімді кері байланыс орнату үшін CALL-орталық құрылады, сондай-ақ, Салауатты өмір салтын қалыптастыру орталығының филиалы мен жастар денсаулық орталығы ашылады.

Бұдан басқа, «Денсаулық дүңгіршектері» жұмыс істейтін болады. Осы нұсқауларды белсенді пайдаланылатын шет мемлекеттердің тәжірибесі халықпен профилактикалық жұмыстар жүргізу және профилактика мен Салауатты өмір салты мәселелеріне тартудың тиімділіктерін растайды.

Дүңгіршектер қаланың ірі сауда орталықтарында орналасатын болады, онда қала тұрғындары дене салмағының индексін, қан қысымын, температурасын өлшетіп, дәрігердің қабылдауына жазыла алады.

Сонымен қатар, №10 жедел медициналық жәрдемнің шағын станциясын ашу, қаланың жаңа бөлігінде халықаралық стандарттарға сәйкес келетін ЖМЖ-нің орталық станциясын салу және машиналар паркін жаңарту үшін санитарлық 7 көлік сатып алу жоспарланған.