«Ұлт қазынасы» Қазақстан Республикасының Тұңғыш Президенті мұражайында таныстырылады
11 Мамыр, 2014 10:49
Астанада өтетін «Ұлт қазынасы» көрмесінде қолөнер бұйымдары таныстыралады, деп ҚР Тұңғыш Президентінің мұражайында хабарлады.
Көрмеде «Әдемі-Ай» өнер мұражайының қолөнер бұйымдары да жұртшылық назарына қойылады.
Айта кетерлігі, ҚР Тұңғыш Президентінің мұражайындағы көрме 2014 жылдың 16 мамырынан 20-шы мамырына дейін созылады.
Мұражай 2011 жылы атақты қолөнерші, бұйымшы Бахаргүл Төлегеннің бастамасымен құрылған болатын. Қазіргі таңда мұражайда мыңға жуық жәдігерлер бар, онда ІІІ - І ғасыр уақыт аралығындағы Кушан мемлекеті және VI – ХII ғғ тарихи жәдігерлері сақталған.
ҚР Тұңғыш Президентінің мұражайы аталмыш көрмені Қазақстан халқының тарихи-мәдени құндылықтарын насихаттауға бағытталған серіктестік жобасы аясында өткізіп отыр.
