Елордада Ұлы Отан соғысы ардагерлеріне арналған Ашық есік күні өтеді

Бұл күні елордалық ардагерлерге кардиолог, терапевт, эндокринолог, невролог, пульмонолог, андролог, ЛОР дәрігерлері тегін консультациялар беріп, медицина өкілдері салауатты өмір салты бойынша кеңестерін ұсынады, деп Астана қаласы әкімдігінің ресми порталы хабарлады.

Ардагерлерді қабылдау таңғы сағат 8:00-12:00 дейін жүргізіледі. Айта кетейік, соғыс жылдарының батырларына жыл сайын таяу және қиыр шет елдерде біліктіліктерін арттыратын аурухананың жоғары білікті дәрігерлері қызмет көрсетеді.