Жеңіс күніне арналған велошеруге екі мыңнан астам алматылық қатысты

Веложарысқа студенттер, велобірлестік өкілдері, қала тұрғындары қатысты.

Мәре алаңында жарысқа қатысушыларды Жеңіс күнімен қала әкімі Ахметжан Есімов құттықтады.

«Бүгінгі Жеңіс күніне арналған жарысқа қатысқан велоспорт әуесқойларының қарасы көп. Бұл көрсеткіш жастардың аға буынға  деген ілтипаты, сұрапыл соғысқа қатысып, Ұлы Жеңіске жеткен әкелеріміз бен аталарымызға көрсеткен құрметі деп білемін», - деді Ахметжан Есімов.

Велошеруге жалпы саны 2000-нан астам адам қатысты және статистика көрсеткіші қалалық велошеруге қатысушылардың саны артып келетінін көрсетуде.