Қ. Айтмұхаметов ақмолалықтарды 7 мамыр мерекесімен құттықтады

8 Мамыр, 2014 10:38

Кеше «Тәуелсіздік» алаңында Отан қорғаушылар күніне орай салтанатты шара өтті.

Мерейлі мерекені атап өту құрметіне орай ҚР ҚК Астанада өткізіп жатқан әскери шеруінен тікелей көрсетілім ұйымдастырылды.

«Дәл осы күні біз жас ұрпақтан Отанына адалдықпен қызмет етуді аға буыннан үйренсін деп дәріптейміз. Отанын қорғау – ол Қазақстан Республикасының әр азаматының қасиетті парызы. Шын жүректен Сіздерді Отан қорғаушылар күнімен құттықтаймын. Еліміздің әр атқан ақ таңы бейбітшілікке толы болсын, еліміз өсіп өркендей берсін!», - деп аймақ басшысы Қ. Айтмұхаметов ағынан жарылды.

Саланатты шара барысында аймақ басшысы ардагерлерді мерекесімен құттықтап, оларға құрмет грамотасы мен алғыс хат тарту етті және медальмен марапаттады.

Содан кейін, алаңда жедел мақсаттағы 2 рота өз өнерін көрсетті. Ал, ҚР ТЖМ жанындағы Көкшетаулық техникалық институттың курсанттары вальс биледі.

Мерейлі мереке облыс ұжымдарының қатысуымен өткен концерттік бағдарламаға ұласты.