Алматыда Отан қорғаушылар күні аталып өтті
8 Мамыр, 2014 10:00
Алматыда Отан қорғаушылар күнін атап өту 28 гвардияшыл-панфиловшылар атындағы паркіндегі «Еске алу вахтасы» әскери-патриоттық акциядан басталды.
Мерекелік іс-шараға шаһар басшысы Ахметжан Есімов, ардагерлер, әскери ведомсвто мен қоғамдық ұйымдардың өкілдері, сонымен қатар, әскери мектептердің оқушылары қатысты, деп қалалық әкімдіктен хабарлады.
Сонымен қатар, мерекелік іс-шараға қатысқандар мен тамашалау үшін келгендерге LED-экраннан Астанадағы «Қазақ елі» алаңында өтіп жатқан әскери шеруден видео-көрсетілім ұсынылды.
Бұдан басқа, дәл осы күні әскери-спорттық «Ұлан» ойынының жеңімпаздарын марапаттау өтті. Байқаудың мақсаты оқушылардың әскери-қолданбалы спорт түрлеріне қызығушылығын арттыру, жасөспірімдерді ҚР Қарулы күштерінде қызмет істеуге даярлау және оларда жоғары патриоттық сезімді қалыптастыру.
