Мемлекет басшысы Жеңіс Күніне арналған шараларға қатысады
5 Мамыр, 2014 12:58
Ақорданың ресми порталы 9 Мамыр қарсаңында ұйымдастырылған шараларға Мемлекет басшысы Нұрсұлтан Назарбаевтың қатысатындығын хабарлады.
«6 мамырда Ақордада мемлекеттік марапаттар тапсыру, сондай-ақ жоғары әскери және арнаулы атақтар беру рәсімдері өтеді»,- делінген хабарламада.
7 мамырда Астанада Отан қорғаушылар күніне арналған әскери шеру болады.
9 мамырда Мемлекет басшысының Жеңіс күнін мерекелеуге орайластырылған іс-шараларға қатысуы жоспарланған.
