Ақмола облысында 2014 жылы 120 мүгедек жұмысқа орналасты

Жалпы, өңірде шамамен 27 мың мүгедек өмір сүреді. Соның ішіндегі еңбекке жарамды жастағы мүмкіндігі шектеулі жандардың саны 18,5 мыңды құрайды. Қазіргі таңда солардың 4768-і екі қолға бір күрек іздеп жүр, деп хабарлайды облыс әкімдігі.

Айта кету керек, облыстың барлық өңірінде мүмкіндігі шектеулі жандарға арналған бос жұмыс орны жәрмеңкесі ұйымдастырылды. Оған 211 мүгедек қатысып, соның 38-і аталмыш жерден тұрақты жұмыс тауып кетті.

Сонымен қатар, аудан мен қалаларда мүгедектерге арналған арнайы жұмыс орындарын ашу мен жұмыспен қамтамасыз ету мәселесі бойынша жергілікті атқарушы органдар мен жеке секторлар арасында ынтымақтастық туралы Меморандум құру бойынша бірлескен жұмыстар атқарылды.