М. Айсина «Ауылдағы жұмыспен қамтылмаған халықты қолдау» жобасы бойынша семинар өткізді
4 Мамыр, 2014 16:56
Мәжіліс депутаттарының өңірлерге сапары барысында «Нұр Отан» партиясының «Әйелдерді қолдау» бағыты бойынша сарапшы тобының жетекшісі, Мәжілістегі фракция төралқасының мүшесі, Қазақстан Республикасы Парламент Мәжілісі Әлеуметтік-мәдени даму комитетінің Хатшысы Майра Айсина Ақмола облысының Зеренді ауданына барды.
Ақмола облысы, Зеренді ауданы, Чаглинка ауылында «Ауылдағы жұмыспен қамтылмаған халықты қолдау» жобасының орындалуына қатысты кезекті семинар-тренингке қатысты, деп ҚР Парламенті Мәжілісінде хабарлады.
Бұл жоба -«Жасыл экономиканы» қолдау мен G-Global-ді дамыту Коалициясы» заңды тұлғалар бірлестігінің және «Әлеуметтік серпіндік» қоғамдық қорының бастамасы бойынша «Нұр Отан» партиясының қолдауымен жүзеге асырылуда.
Жоба шеңберінде 2014 жылдың наурыз – шілде айлары арасында Ақмола облысының 20 ауданында, 350-ге жуық жұмыспен қамтылмаған ауыл тұрғындарына оқу бағдарламаларын өткізу жоспарланып отыр.
Бұл жоба ауыл халқының экономикалық өсуін және әйел азаматтарға қосымша жұмыс орындарын ашуды көздейді.
