«Астана Опера» театрында Жеңіс Күні қарсаңында концерт өтеді
4 Мамыр, 2014 12:46
Ұлы мереке - Жеңіс Күні қарсаңында, 8 мамырда «Астана Опера» театрының Камералық залында «Жеңіс Әндері» атты концерті өтеді.
Жеңістің алпыс тоғызыншы жылдығын «Астана Опера» театрымен бірге концертке шақыртылған Ұлы Отан соғысының ардагерлері де атап өтеді, сыйлы қонақтарға гүлдер мен кәдесыйлар тарту етіледі, деп театрдың баспасөз қызметі хабарлады.
«Концертте қиын соғыс жылдары жазылған әндер шырқалады, олардың кейбірі окопта жазылған. Аталған тақырып өте қайғылы, дегенмен бұл кеште қуаныштың, жеңістің сарынын жеткізетін соғыстан кейін жазылған әндер де шырқалады», - дейді Момбеков Байғали.
Классикалық әндер тізбегі көрнекті композиторлар: С. Рахманинов, Р. Елебаев, Н. Тілендиев, С. Мұхамеджанов, М. Төлебаев, Б. Байқадамов, В. Соловьев-Седой, Е. Птичкин және басқаларының туындыларынан ұсынылады.
