Семейдің Достық үйіне микроавтобус берілді

Семейдің Достық үйі Қазақстанда алғашқы ашылғандардың бірі, - деп әкімдіктен хабарлады.

Ұзақ жылдар бойы оның құмында 15 ұлттық-мәдени орталық жемісті еңбек етіп келеді. Айта кетерлік жайт түрлі іс-шараларды ұйымдастыруда тасымалдайтын көлік ауадай қажет. Осыған орай өткен жылғы келелі кездесулердің бірінде ҰМО өкілдері қала басшысына өз жұмыстарын  шалғайда орналасқан елді мекендерде насихаттау үшін автобус бөлуді сұраған болатын.

Қала әкімі бұл өтінішке  түсіністікпен қарап, мерейлі мереке -  Қазақстан халықтарының бірлігі күні  қарсаңында салтанатты түрде қалалық Достық үйіне микроавтобустың кілтін тарту етті. Сонымен қатар, дәл осы күні  ҚР Президенті Н.Назарбаевтың ҚХА ХХІ сессиясында сөйлеген сөзін талқылауға арналған "Дөңгелек үстел" өтті.