Қазақстан көптеген көрсеткіштер бойынша үздік 30-дыққа енеді – И.Линн

3 Мамыр, 2014 10:00

Қазақстан қазірдің өзінде көптеген көрсеткіштер бойынша үздік 30-дыққа енеді. Бұл туралы Астанада өтіп жатқан Азия даму банкі басқарушыларының жыл сайынғы 47-інші отырысындағы «Қазақстан 2050 - қазіргі заманғы инклюзивті қоғам» кітабының тұсаукесері барысында Брукингс институтының аға зерттеушісі, Дүниежүзілік банктің экс-өңірлік вице-президенті Йоханнес Линн мәлімдеді.

«Кітапты жазу барысында біз Қазақстан Президентінің кейбір сөздерін басшылыққа алдық. Оның айтқандарына жақсылап үңілетін болсақ, онда тек қана мемлекеттің әлемнің ең алдыңғы қатарлы 30 елінің тізіміне енумен шектелмей, сонымен қатар адамдардың өмір сүру деңгейінің артуы, жасыл даму мен институциялды даму салаларын байқар едік», - дейді И.Линн.

Оның айтуынша, қазіргі таңда Қазақстан жаһандық даму индексінде қазірдің өзінде алдыңғы қатарлы 30-дыққа еніп тұрғаны анық.

«Көз салып қарайтын болсақ, халықаралық индекстер мен жаһандық көрсеткіштерде мемлекеттердің ЖІӨ көлемі мен кіріс көрсеткішінің өсімі ғана емес, сонымен қатар адамдардың өмір сүру деңгейінің , білім беру мен денсаулық сақтау салаларына да маңыз бөлу керектігі байқалады», - дейді ол.

Й.Линнің ойынша, көрсеткіштерді былай қойып, ең алдымен шын мәнісіндегі жағдайды арттыру керек.

Естеріңізге сала кетейік, Астанадағы Тәуелсіздік сарайында бүгін Азия даму банкінің басқарушылар кеңесінің жыл сайынғы 47-інші отырысы өтіп жатыр. Шара 5 мамырға дейін өтеді.

Бауыржан Мұқанов

Барлық жаңалықтар