Алматы қаласының ІІД бастығы: Қалада ұсақ қылмыс саны 2 есеге ұлғайды
25 Желтоқсан, 2012 00:00
Қалада ұсақ қылмыс саны 2 есеге ұлғайды. Бұл туралы брифинг барысында Алматы қаласы ішкі істер департаментінің бастығы, полицияның генерал-майоры Ерлан Тұрғұмбаев мәлімдеді.
«Бізде қылмыс көбейді деп айта алмаймыз. Аса ауыр қылмыс саны азайды, кейбір қылмыс түрі бойынша қылмысты ашу деңгейі жақсарды. Бірақ, ұсақ қылмыс саны екі есеге ұлғайды», - деп мәлімдеді Ерлан Тұрғұмбаев.
Алматы қаласы ішкі істер департаментінің бастығы, полицияның генерал-майорының айтуынша, ұсақ қылмыстарға ұрлық пен бұзақылық жатады.
«Бұзақылық саны 2 мыңнан 4 мыңға дейін ұлғайса, ұрлық деңгейі екі есеге өсті», - деп түсіндірді Е.Тұрғұмбаев.
