• Басты
  • Үкімет «Самұрық-Қазына» қорының жекешелендірілетін компаниялар тізімін бекiтті (ВИДЕО)
29 Сәуір, 2014 13:42

Үкімет «Самұрық-Қазына» қорының жекешелендірілетін компаниялар тізімін бекiтті (ВИДЕО)

Бүгін Қазақстан Республикасының Үкіметi «Самұрық-Қазына» қорының жекешеленуге жататын компаниялар тiзiмiн мақұлдады, деп ҚР Президенті жанындағы ОКҚ өткен брифингiнде «Самұрық-Қазына ҰӘҚ» АҚ Басқарушы директоры - Қордың басқарма мүшесі Нұрлан Рахметов мәлiм етті.
Үкімет «Самұрық-Қазына» қорының жекешелендірілетін компаниялар тізімін бекiтті (ВИДЕО)

«Қазақстан Республикасының Үкіметi бүгiнгi отырысында «Самұрық-Қазына» тобының жекешеленуге жататын, Жекешелендiру бағдарламасы аясында бәсекелестiк ортаға шығарылатын компаниялар тiзiмiн бекiттi.  Қордың құрылымына кiретiн 599 компанияның 122-сi бәсекелестiк ортаға жiберiледi. Бiрақ оның 16 компаниясы бейiндi емес активтер. Ал 106 компания бейiндi активтерге жатады», - деді Н.Рахметов.

Сонымен қатар, оның мәліметі бойынша, 50 компания екiншi деңгейлi банктермен бiрге сатылады. Айта кетейiк, банктер де бiздiң құрылымнан шығарылуда. Қордағы 48 компания жабылса, 20 компания қайта құрылады. Ал 5 компания мемлекеттiк органдарға берiледi.

«Жалпы алғанда 223 компания, яки 37% қысқарады. Үкiмет бекiткен тiзiмдегi 106 бейiндi компанияның 64 активi 2014 жылы сатылады, ал 22-сi 2015 жылы сатылымға шығарылмақ. 8 компания 2016 жылы сатылса, ал қалған компаниялар 2018-2020 жылдары нарыққа шығарылады», - деп Н.Рахметов хабарлады. 

Осы ретте, IPO мен SPO (екінші рет  бағалы қағаздарды шығару) шеңберінде  2014 жылы «KEGOC» АҚ 10% минус 1 акциясын және  «Маңғыстау электртораптық бөлу компаниясы» АҚ  24% минус 1 акциясын, ал 2015 жылы «Самұрық-Энерго» АҚ  20-25% акциясын,  2016 жылы «Қазақстан  темір жолы» АҚ мен «ҚазАтомПром» АҚ  10% минус 1 акциясын саудаға шығару жоспарланған.

«Сондай-ақ активтердi жекешелендіру iсi ашық жүргiзiледi және активтердiң жеке секторға сатылғаны туралы ақпараттар толық әрi жүйелi түрде жариялап тұрады», - деп Н.Рахметов  өз ойын түйді.

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды