Үкіметте инвестиция тарту кешендік жоспарының жобасы таныстырылды – Ә. Исекешев (ВИДЕО)
«Отандық және шетелдік инвестицияларды ел экономикасына тартудың кешенді жоспарының жобасы бүгін Қазақстан Үкіметінде таныстырылды. Ол екі бөлімнен тұрады. Біріншісі, жаңа мақсаттар, ол барлық кедергілерді жоюға бағытталған: визалық сұрақтар, инвесторларға әсер ететін өзге сұрақтар. Сондай-ақ, Қазақстан компанияларына тартатын жаңа міндеттер», - деді Ә. Исекешев.
Ведомство басшысы сондай-ақ, жобаның екінші бөлігі инвесторларды тартатын нақты жоспар екендігін айтты.
«Бұл жерде экономиканың басым бөліктері көрсетілген, трансұлттық корпорациялар мен отандық құзіретті органдар, ұлттық компаниялардың тізімі шықты. Жалпы, ол ағымдағы жылы жұмысқа жақсы қорытынды беруге тиіс», - деді ол.
Ведомствода хабарлағандай, ҮИИД МБ жүзеге асу жылында тікелей инвестициялардың тартылуын көрсетті. Әсіресе, өңдеу өнеркәсібіне 70 пайыз үлесті құрады.
ИЖТМ басшысының айтуынша, Қазақстан тікелей инвестицияларды тарту бойынша 19 орынды алып отыр. 2005 жылдан бастап 184 млрд АҚШ долларды құрайтын шетелдік инвестиция тартылды.
