Ян Шицю: Қазақстанда «А» корпусының құрылуы біз үшін жақсы мысал
25 Сәуір, 2014 16:49
Бүгін ҚР Президенті жанындағы Мемлекеттік басқару академиясында ҚХР адами ресурстар және әлеуметтік қамтамасыз ету министрлігінің вице-министрі Ян Шицюдің дәрісі өтті.
Өз сөзінде вице-министр Қытайдың мемлекеттік қызмет реформасының аспектілерін қамтыды, деп мемлекеттік қызмет агенттігінде хабарлады.
Ян Шицю Қазақстанда мемқызмет реформасының бірі болып «А» корпусының құрылуы екендігін атап өтті.
«Біздіңше бұл өте жақсы тәжірибе», - деді ол.
Оның айтуынша, Қытайда әкімшілік мемлекеттік қызметкерлер басқару және орта, төменгі болып бөлінеді.
Қытай делегатының жетекшісі Астанада мемлекеттік қызмет бойынша аймақтық хабты құруды қолдайтындығын айтты.
Сондай-ақ, Ян Шицюдің айтуынша, Аймақтың хаб ынтымақтастықтың тамаша алаңына айналмақ.
