Инфрақұрылымды дамыту мемлекеттік бағдарламасы транзиттік тасымалды 2 есеге арттырады – ККМ (ВИДЕО)
«Бізде биылғы жылы мақұлданған тиісті «2020 жылға дейінгі Қазақстан Республикасының транспорттық жүйесінің инфрақұрылымы интеграциясы мен дамуының мемлекттік бағдарламасы» бар. Оның басты мақсаты транзиттің екі есеге дейін артуын қамтамасыз ету. Яғни, аталмыш бағдарлама арқылы жұмыс істеп тұрған жобалармен қатар жаңа жобаларды да енгізу қарастырылған», - дейді Ә.Асаубаев.
Жалпы, бағдарлама бойынша, 30 мың шақырым автокөлік жолы мен темір жолдың жәнге өзге де инфрақұрылымның жөнделуі көзделген.
«Бағдарламаның нәтижесі ретінде орнатылған талаптара автожолдардың, темір жолдары мен өзге де сапаржай нысандарының сәйкестендірілуі. 8200 шақырымдық темір жолдың құрылысы мен жөнделуі, темір жол вокзалдарына жөндеу жүргізу мен порттардың өткізу мүмкіндіктерін арттыру, облыс орталықтары мен Алматы мен Астана қалаларындағы аталмыш нысандардың қамтылуын атауға болады», - дейді Ә.Асаубаев.
Оның айтуынша, жүк айналымының 1,6 есеге дейін артуы, транспорттық тасымалдың 2 есеге дейін артуы секілді тапсырмалар қойылған.
«Жалпы, біз өзіміздің осы саладағы көрсекткішімізді 40 орынға дейін жоғары көтеріп, еліміздегі инфрақұрылымды жаңа деңгейге жеткізіп, транзитті жүк тасымалын замануи және сапалы етіп қалыптастыруымыз керек», - дейді.
Естеріңізге сала кетейік, ҚР әлеуметтік-экономикалық дамуының жол картасы жобасы 2014 жылдың 14 сәуіріне Үкіметтің қаулысымен бекітілген. Жол картасының бесінші қадамы транспорттық және логистикалық инфрақұрылымды әртараптандыруға бағытталған.
