2014 жылы Астанада 9 жаңа мектеп салынады
24 Сәуір, 2014 14:45
Биыл Астанада 9 мектеп қолданысқа беріледі.
«Биыл 9 мектеп пайдалануға берілуі тиіс. «100 мектеп, 100 аурухана» бағдарламасына келсек, Құрылыс басқармасы «100 мектеп» бағдарламасын орындады. Өткен жылы барлық мектептер тапсырылды. Биыл тамыз айында тағы да 9 мектеп пайдалануға берілмек. Әзірге бәрі жоспар бойынша жасалуда», - деді Владимир Лютов.
Қазіргі уақытта Астанада 83 жалпы білім беретін мектеп жұмыс істейді, деп астана қаласының әкімдігі хабарлады. Оқушылардың жалпы саны - 94 712. Соның ішінде 71 мектеп - мемлекеттік, 12 - жеке меншікті.
Айта кетейік, 2013 жылы Астанада үш мектептің құрылысы аяқталды: Теміржолшылар тұрғын алабында 1 100 орындық мектеп, «Батығай» т/к 1 200 орындық мектеп, №19 мектепке жапсыра салынған 600 орындық ғимарат.
