Ресейліктер ақтөбеліктердің ТжКО-ға дуалды жүйе енгізу тәжірибесін қабылдайды

24 Сәуір, 2014 10:45

Ақтөбе облыстық кәсіпкерлер палатасы облыстың білім беру басқармасымен және «Ақтөбе облысының жұмыс берушілер және кәсіпкерлер кеңесі» қоғамдық бірлестігімен бірігіп «техникалық және кәсіби оқыту жүйесіне дуалды жүйе енгізу мүмкіндігі мен болашағы» атты дөңгелек үстел өткізді. Онда РФ Орынбор және Астрахан қалаларының жоғарғы және орта оқу орындарының өкілдері қатысты.

Ұлттық кәсіпкерлер палатасының хабарлауынша, шара барысында Ақтөбе облыстық ұлттық кәсіпкерлер палатасы директорының орынбасары Дамиля Құнанова Қазақстанның дамуы үшін жастарды оқытудың жоғарғы деңгейі керектігін айтты.

«Дуалды оқыту жүйесін енгізу кәсіпкерліктердің қатысуынсыз мүмкін емес. Оқыту шараларына жұмыс берушілердің де ат салысқаны жөн. Әлеуметтік әріптестік аясында кәсіпкерліктер дуалды оқытудың жекелеген элементтерін қабылдаумен шектелмей, ЖОО мен колледждердегі материалдық-техникалық базамен жарақтандырылу мәселесінің де шешімін табуа көмектеседі. Сонымен қатар, тәжірибелік шараларда да студенттрдің біліктіліктерін арттыруға жағдай жасайды», - дейді ол.

Сонымен қатар, жеке кәсіпкерліктерге мамандарды даярлау мен қайта даярлау процесіне кәсіпкерлердің өздерінің белсенді араласуы жұмыс орынына әлеуметтік және экономикалық пайда әкеледі.

Осы орайда кәсіпкерлер палатасы жұмыс берушілерді әріптестік жүйесіне тарту бойынша бірқатар жұмыстар атқаруда.