Астанада №1 және №2 сорғы станциялары іске қосылады

23 Сәуір, 2014 10:45

Биылғы жылы Астанада қаланың сол жағалауын жылумен қамтамасыз ету мақсатында жылу магистралі жүйесінің құрылысы басталады. ЖЭС-2 мен ЖЭС -3 әрқайсысы сәйкесінше 4,5 жылу магистралы жүйесін іске қосады.

«Жылу жүйелерін жаңғырту мақсатында биылғы жылы №19 жылу магистралінің қайта жөндеу жұмыстарын аяқтамақшымыз. Ол өз кезегінде Досмұхамбетұлы, Жұбанов, Пушкин көшелері және Тәуелсіздік даңғылы бойынша тұтынушыларды мүлтіксіз жылумен қамтамасыз етуге мүмкіндік береді. Сонымен қатар, біз Жиенқұлов-Кенесары, Жұбанов - Республика даңғылы шаршысындағы жаңа тұрғындарды қосу үшін ЖМ-20 күрделі жөндеу жұмыстарын жалғастырамыз», - деп Энергетиканы басқару басқармасының басшысы Ілияс Алдажаров ағынан жарылды.

Бұдан басқа, диеметрін арттыру арқылы ЖМ-5 күрделі жөндеу жұмыстарын жүргізу ұсынылады. Бұл өз кезегінде Жангелді, Габдуллин мен Иманбаев көшелерінің тұрғынына қалтықсыз жылу беруге жағдай жасайды.

«Сондай-ақ, бүгінде ЖМ-18 жөндеу жұмыстары және Күмісбеков көшесі бойынша жылу магистралының құрылысы басталды. Үстіміздегі жылы жылумен қамтасыз етуді сенімді ету мақсатында №1 мен № 2 сорғы станцияларының құрылысын аяқтап іске қосамыз. Бұл жобада біздің бағдарламамыздың аясында жүзеге асырылуда», - деді ол.

Айта керлік жайт, № 1 сорғы станциясы Тлендиев даңғылының оңтүстік бөлігінде салынған және құрылысы жүріп жатқан тұрғын үйлерді жылумен қамтамасыз етуге мүмкіндік береді. Ал, № 2 сорғы станциясы ескі қаланың орталық бөлігі мен нысандарын жылумен қамтамасыз ету сенімділігін арттырады.

Барлық жаңалықтар