Е. Досаев: Қазақстан ШОБ қолдау бойынша АДБ екінші траншына мемлекеттік кепілдеме беруді мақұлдады

«Қарыз сомасы 22,5 миллиард  теңге көлемінде (150 млн. долл.) қазақстанның ұлттық валюта түрінде орналастырылады», - деп Е. Досаев баса айтты.

Оның айтуынша, АДБ-нің бүгінгі басты міндеттемесі, бірінші кезекте, шағын және орта кәсіпкерлікке қолдау көрсету.

«Сонымен қатар,  АДБ Қазақстандағы транспорттық инфрақұрылымды дамыту мен ауыл шаруашылығы және қаржы секторын қолдау жобаларын іске асырудың басты донорларының бірі болып табылады», - дейді министр.

Естеріңізге сала кетейік, бас кеңсесі Манилада (Филиппин) орналасқан Азия даму банкінің миссиясы өңірлік интеграция мен экономикалық және экологиялық тұрақты өсім арқылы Азия-Тынық мұхиты елдерінде кедейліктің деңгейін түсіру. АДБ 1966 жылы құрылған. Оның акционері ретінде тіркелген 67 елдің 48-і осы өңірлердің мемлекеттері. Қазақстан мүшелікке 1994 жылы өтті. Әріптестік жұмыстары транспорттық, энергетика, мемлекеттік басқару жүйесін жетідіру, жеке секторды дамытуға бағытталған. Осы тұрғыда Қазақстан бүгінде техникалық қайтарымсыз көмек алушы мемлекет деңгейінен өтіп, дамушы мемлекеттерге көмек көрсету бойынша теңдей мүшелігіне қабылануға ниетті. 2013 жылы Қазақстан мен АДБ ынтымақтастығы аясында Азия даму қорына донорлық көмек ретінде 5 млн  доллардай қаражат салынды.