• Басты
  • «Нұр Отан» партиясының Фракциясы мен ҰКП бірлескен жұмыс жоспарына қол қойды
22 Сәуір, 2014 18:15

«Нұр Отан» партиясының Фракциясы мен ҰКП бірлескен жұмыс жоспарына қол қойды

Мәжілісте Палатаның вице-спикері, «Нұр Отан» партиясы парламенттік фракциясының жетекшісі Дариға Назарбаеваның төрағалық етуімен фракция Президиумының кеңейтілген мәжілісі өтті.
«Нұр Отан» партиясының Фракциясы  мен ҰКП  бірлескен жұмыс жоспарына қол қойды

Күн тәртібінде нұротандық-мәжілісмендердің Ұлттық кәсіпкерлер палатасымен бірлескен жұмысы талқыланды, деп Мәжілісте хабарлады.

«Нұр Отан» Фракциясы Елбасы, партия Төрағасы Нұрсұлтан Назарбаевтың шағын және орта бизнесті қолдау туралы бастамасына орай, кәсіпкерлер палатасына бірлескен іс-қимыл жоспарын құру туралы ұсыныс жасаған болатын.  

Парламентшілер мен кәсіпкерлер бұл құжат бизнес саласын дамыту жолындағы түйткілді сұрақтарды жүйелі түрде шешуге және фракция мен бизнес-қауымдастық арасындағы өзара іс-қимыл амалдары мен нақты тетіктерді әзірлеуге мүмкіндік беретініне сенімді.

Кеңейтілген жиын барысында Мәжіліс вице-спикері, парламенттік фракция жетекшісі Дариға Назарбаева мен Ұлттық Кәсіпкерлер Палатасы Басқарма төрағасы Абылай Мырзахметов бірлескен жұмыс Жоспарына қол қойды.

 Алдағы уақытта мәжілісмендер мен кәсіпкерелер құрылыс, жер қойнауын пайдалану салаларында кәсіпкерлік қызметті дамытуға бағытталған  қолданыстағы заңнамаларға өзгерістер енгізу бойынша бірлескен жұмыс тобын құруды межелеп отыр.

Сондай-ақ, Жоспарда дуалдық білім, офсеттік саясат, инжиниринг жөніндегі заң жобалары бойынша да бірлесе жұмыс атқару көзделген.

Сонымен қатар, капиталды заңдастыру, салықтық әкімшілендіру саласында «бизнес-климатты» жақсарту, мемлекеттік-жеке-меншіктік әріптестікті дамыту заң жобаларына қатысты да ұсыныстар әзірленеді.

 Жоспарлы жұмыстарды жүзеге асыруға фракцияның, «Нұр Отан» партиясының Орталық аппаратының, фракция жанындағы кеңестік-жиналыстық органдардың, «Үкіметтік сағаттардың», парламенттік тыңдаулардың, сондай-ақ, «Нұр Отан» партиясының мәслихаттардағы фракциялардың мүмкіндігі кеңінен пайдаланылатын болады.  

 

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды