Қызылорданың бизнес мектебі студенттерге семинар ұйымдастыруда

Қызылорда облысының кәсіпкерлер палатасының ұйымдастыруымен қолға алынған «Бизнес мектебі» жобасы аясындағы семинарлар арқылы колледж студенттері кәсіпкерлік қызметі туралы толық мәлімет алуға және тәжірибе жинақтауға мүмкіндік ала алады.

«Семинар барысында  өңірлік палатаның кеңесшілері «Мемлекеттік бағдарламалар жастар үшін» атты тақырыпта мемлекеттік бағдарламаларға қалай қатысуға болатындығы және жеңілдіктер туралы түсіндірді.  Сонымен қатар, жеке кәсіпкерлердің кәсіптері туралы әңгімелер тыңдалды, экспресс-дебаттарға студенттер үлкен қызығушылықпен қатысты» -, деп өз пікірін  білдірді М.Мәметова атындығы Қызылорда гуманитарлық колледжінің  оқу ісі жөніндегі директор орынбасары Жақсыгүл Тоғанова.

Г. Әлназарованың айтуынша, мұндай семинарлар студенттерге оң әсер береді.

«Бизнес мектебі» жобасының негізгі мақсаты кәсіптік білім беретін оқу орындарын бітіруші студенттерді кәсіпкерлікке барынша тарту, жастар арасындағы жұмыссыздықты азайту болып табылады» -, деді өңірлік кәсіпкерлер палатасының  эксперті Гүлмира Әлназарова.