Қазақстандық велошабандоздар Азия чемпионатында алғашқы медальдарын жеңді
12 Наурыз, 2013 00:00
Үндістан астанасы Нью-Дели велотрегіндегі үш күндік жарыста қазақстандық делегация алғашқы медальдарын жеңді, деп хабарлады велоспорт федерациясының баспасөз кеңсесінен.
«Омниум жарысында алтын медальді Артем Захаров жеңіп алды. Ал жеке жарыста екінші орынға Диас Өмірзақов ие болды», - делінген ақпаратта.
Сондай-ақ, 3 шақырымдық жеке жарыста алтын медальді жасөспірім Магомед Мамедов жеңіп алса, 2 шақырым қашықтықтағы жеке жарыста қола медальді Екатерина Юрайтис ұтты.
Сәрсенбі күні аталмыш жарыстар бағдарламасы бойынша тас жолдағы жарыстар басталады. Қазақстандық велошабандоздар 14 және 17 наурызда өтетін жарыстарда өнер көрсетеді.
