Қазақстанда соңғы 3 жылда мүгедектік көрсеткіш төмендеді

22 Сәуір, 2014 09:15

ҚР Денсаулық сақтау министрлігі елімізде соңғы 3 жылда мүгедекке алғаш шығу көрсеткіштері елеулі түрде төмендеп, 2011 жылы 10 мың тұрғынға шаққанда 28,9-ді құраса, 2013 жылы бұл көрсеткіш 28,2-ге тең болды.

Мүгедектік тобына жататын азаматтар арасында зейнетақы жасындағылардың үлесі артуда. Мұндай жағдай күтілген өмір сүру ұзақтығы және туа біткен ауруы бар ерте жастағы балалар санының артуына байланысты болып отыр, деп ҚР Денсаулық сақтау министрлігінде хабарлады.

Ерте жастағы балалар хирургиясы, сондай-ақ, кардиохирургияның белсенді дамуы нәтижесінде 60 мыңнан астам қазақстандықтың өмірі сақталды. Бұрындары ол азаматтар үшін аталған ем түрлерін ел ішінде алу мүмкін емес еді. Тек 2013 жылы 1100-ге тарта балаға ота жасалып, 2012 жылмен салыстырғанда операциялық белсенділік 1,5 есеге артты. Туа біткен даму ауруларына жасалған аса күрделі операциялардан кейін тірі қалу көрсеткіші 83% жетті.

Осы орайда операциядан кейін қалпына келу тиімділігі әлеуметтік және білім мәселелерімен айналысатын барлық құрылымдардың қызметіне байланысты екенін айту керек.

Барлық жаңалықтар