Агломерацияны жасақтау барысында Алматының Бас жоспарын есепке алу керек - А. Есімов

21 Сәуір, 2014 16:40

Бүгін Алматыда қала әкімінің төрағалығымен Алматыда 2030 жылға дейін агломерацияны жасақтау бойынша ұзақмерзімді жоспарды құру мәселелеріне байланысты кеңес өтті. Алқа отырысына ҚР Өңірлік даму министрі Болат Жәмішев, Алматы облысының әкімі Аңсар Мұсаханов, сонымен қатар министрліктер мен профильді ұйымдардың өкілдері қатысты.

Қалалық әкімдіктен хабарлағандай, отырыста шешімін табу керек, бірқатар мәселелердің бар екендігі аталып өтті. Олар заңнамалық базаның жоқтығы, экология мәселелері, қала құрылысы бойынша шарттар мен ретту тәртібінің жоқтығы, көлік проблемалары.

Ахметжан Есімов Алматы облысы әкімдігімен, Өңірлік даму министрлігімен бірлесіп мақсатты жер учаскілерімен қала аймағында құрылыс жүргізуге және оны пайдалануға мораторий жариялау бойынша Елбасына ұсыныс тастауды ұсынды.

«Агломерацияны қолдану барысында Алматының шекаралық аймақтарының Бас жоспарын пайдаланған жөн. Оған қоса, Үкіметке Алматы аясында контрмагнитті қалыптасуды қолдану қажет.Ол мегаполистегі миграцияны азайтады», - деді А. Есімов.

Отырысқа қатысушылар Алматы агломерациясының шекарасы заңнамалық тұрғыда бекітіледі. Ол үшін әлеуметтік-экономикалық сараптама, демографикалық, инфрақұрылымдық және экологиялық тұрағы аймағын қамтиды.

Өңірлік даму министрі атап өткендей, атқарушы билік органдарының барлығы қызметке белсене араласу керек.

«Алматы агломерациясын құру бойынша барлық сұрақтар кешенді түрде жүзеге асырылуы тиіс. Оған қоса, осы орайда нақты қала құрылысының жоспарын жүргізу қажет», - деді Б. Жәмішев.

Барлық жаңалықтар