Л.Ибрагимова: Жеке кәсіпкерлер қаржылық қолдауға ие болады (фото)

«Қазақстандық компаниялардың ішінде басымдылық берілетіні жеке кәсіпкерліктер. Бағдарламаға меншік иелері ұлттық және мемлекеттік ұйымдар болып табылатын кәсіпкерліктердің қатысуына тыйым салынады. Жеке кәсіпкерлікке қолдау көрсету дегеніңіз жаңа жұмыс орындарының ашылуы мен қазынаға салықтың көптеп түсуіне жол ашу демек», - дейді Л.Ибрагимова.  

Оның айтуынша, қор тарапынан аталмыш қаражатты мақсатты пайдалануға бақылау ұйымастырылады. Бұл қаражат тек қана кәсіпкерлердің жобаларына ғана бағытталмақ.

«Әрбір жеке кәсіпкерлікке 1 млрд 850 млн теңгеге дейінгі максималды шек қойылған. 120 айға дейінгі уақытта аталмыш жобаны өткізулері керек болады. Өз кезегінде «Даму» қоры аталмыш қаражаттың қолданылуына мониторинг жасап отырады. Ол бақылауды банк беретін есеп негізінде жүргізеді», - дейді ол.

Оның айтуынша, көшпелі мониторингтер де ұйымдастырылмақ.

«Жылына бір мәрте несие алған кәсіпкерлік орындарына келіп, жұмыстың қаншалықты тиімді жүргізіліп жатқанын қадағалайтын боламыз», - дейді Л.Ибрагимова.

Естеріңізге сала кетейік, биылғы жылдың 14 сәуірінде ҚР Экономика және бюджеттік жоспарлау министрлігі тарапынан шағын және орта кәсіпкерлікті дамыту үшін 100 млрд теңге бөлінген 10 бағыттан тұратын ел экономикасына қолдау көрсету бойынша Үкімекттің Жол картасы таныстырылған еді.