АДБ инвестициясының негізгі көлемі Қазақстанның көлік саласына бағытталған

21 Сәуір, 2014 11:40

Азия даму банкі инвестициясының Қазақстанға салатын негізгі көлемі транспорт саласына тиесілі. Бұл туралы бүгін ҚР Президенті жанындағы Орталық коммуникациялар қызметінің Азия даму банкінің 47-інші отырысына дайындық брифингінде «Экономикалық зерттеу институты» АҚ басқарма төрағасы Мақсат Мұқанов мәлімдеді.

«Бүгінде Азиялық Даму банкінің Қазақстанға қатысты 2012-16 жылдарға арналған елдік стратегиясы бар. Осы стратегия бойынша инвестициялардың негізгі бөлігі көлік саласына салынуда. Яғни, олар - Қазақстанның транзиттік әлеуетін нығайтуға, оны әлемдік көлік ағымдарына ықпалдастыруға бағытталған ірі инфрақұрылымдық жобалар. Ол - Батыс Еуропа және Батыс Қытай дәлізі. Және тасымалдау мүмкіндіктерін арттыруға бағытталған басқа да инфрақұрылымдық жобалар», -дейді М.Мұқанов.

Сонымен қатар, екінші басым бағыт ретінде ауыл шаруашылығын атауға болады. Осы бағыт бойынша АДБ агроөнеркәсіптік кешенді жаңғырту жұмыстарына ерекше назар аударуда.

«Үшінші бағыт – қаржы саласы, несиелеу бойынша шағын және орта кәсіпкерліктерге қолдау көрсету, сонымен қатар қаржы нарықтарына кәсіпкерліктерің қол жетімділіктерін арттыру», - дейді М.Мұқанов.

Айта кетейік, 1994 жылы АДБ іске кіріскеннен бері Қазақстан ауыл шарушылығы, білім беру, қаржы, көлік, сумен қамтамасыз ету және өзгеде салаларға сувенерлік және сувенерлік емес несие ретінде 3,2 млрд. доллардан астам қаражат алған. 2012 жылы Қазақстан 5,49 млн доллар құйып, Азия даму банкінің донорына айнала отырып,аталмыш институтпен байланысын нығайта түсті.

Барлық жаңалықтар