Жалпықалалық сенбілікке 100 мыңға жуық астаналық қатысты

19 Сәуір, 2014 13:30

Бүгін Астанада көктемгі жалпы қалалық сенбілігіне қатысу үшін 93 мыңнан астам адам көшелерге шықты. Жыл сайынғы іс-шара экологиялық айлық аясында өткізіліп жатыр. Оған қала тұрғындары, мемлекеттік қызметкерлер, үкіметтік емес ұйымдардың өкілдері, білім, денсаулық сақтау қызметкерлері, кәсіпкерлер, Астана жастары белсенді қатысты.

«Бәрін де сөзбен ғана емес, нақты іспен де дәлелдеу керек. Егер жылына бірнеше рет қана сенбілікке шығып, ағаш отырғызсаң, кейіннен осы бақтың жанынан өтіп бара жатып мұнда мен отырғызған ағаш өсіп жатыр деп ойлағанда, қуанбайсың ба?! Бүгін 7 мыңға жуық ағаш пен бұта отырғызылады. Елордада жылына 20 мыңға жуық ағаш отырғызылады»,- деді И. Тасмағамбетов .

Қалалық әкімдікте хабарлағандай,қазіргі уақытта қала көшелерінде 120 жуық тиегіш пен 340 жүк көлігі, барлығы 460 көлік пен басқа да мамандандырылған техника жұмыс істеп жатыр. Сенбілік барысында лас жерлерді жою, 2,0 - 2,5 мың тонна қоқыс шығарылады, жалпы ауданы 491,4 га парк пен гүлбақ жиналып, 220 гүлзарлар тазартылады. Бұдан басқа, Алматы, Есіл және Сарыарқа аудандық әкімдіктері сенбілікке 8,5 мың кәсіпорын, ұйым мен мекеме қатысады деп жоспарлауда.

Барлық жаңалықтар