5 мыңға жуық адам АДБ-ның 47-ші отырысына қатысады

Олардың ішінде- экономистер, үздік банктер, даму институттары, орта және шағын бизнестің басшылары және сарапшылары, сондай-ақ Қазақстанда қазіргі уақытта жұмыс жүргізіп жатқан халықаралық инвестициялық компаниялар басшылығының өкілдерінің қатысуы күтілуде, деп ұйымдастырушы комитетте хабарлады.

Аталмыш форумға қатысушылар «Азияны әлеммен байланыстыратын Жаңа Жібек жолы» тұжырымдамасын талқылайды. Тақырып Қазақстан тарапынан ұсынылды.

Қазақстан үшін АДБ-мен әріптестік өте маңызды. Бірнше жылдан бері тараптар «Батыс Еуропа-Батыс Қытай» ірі транспорттық жобасын іске асырып жатыр. Бұл екі континентті байланыстыратын жол болып табылады. Жалпы республиканың осынау қаржы институтымен ынтымақтастығы 1994 жылдан бастау алады. Осы уақыт аралығында Азия  Даму Банкі 66  жоба бойынша Қазақстанға 29,5 млрд доллардың техникалық көмегін көрсеткен.

«Біз әлеуметтік жобалары іске асыру мен еліміздің экономикасын жаңғыртуда Қазақстанға қолдау көрсететін Азия Даму Банкімен әріптестікке үлкен маңыз береміз», - дейді Қазақстан жағынан Банктің басқарушысы, ҚР экономика және бюджеттік жоспарлау министрі Ерболат Досаев.