• Басты
  • Н. Назарбаев: Пасха - қазақстандықтардың діни сенімінен тәуелсіз, барлығына ортақ мейрам

Н. Назарбаев: Пасха - қазақстандықтардың діни сенімінен тәуелсіз, барлығына ортақ мейрам

18 Сәуір, 2014 17:20
Пасха қазақстандықтардың діни сеніміне қарамастан барлығына ортақ мейрам, деп бүгін Қазақстан халқы Ассамблеясының XXI сессиясының отырысында ҚР Президенті Нұрсұлтан Назарбаев мәлім етті.

«Осындай көктемнің күнінде барлық қазақстандықтарды мейрамдарымен құттықтап, бейбітшілік пен жақсылықты, өзара түсіністікті тілеймін», - деді ол.

«Біздің сессиямыз екі күннен кейін біздің барлық христиан азаматтарымыз тойланатын Пасха мейрамы қарсаңында өтіп отыр. Оны католиктерде, православтық христиандар да атап өтеді. Бұл – қандай дінді ұстанатынына қарамастан барлық қазақстандықтардың мейрамы», - деді ҚР Президенті.

Мемлекет басшысы Нұрсұлтан Назарбаев барлық қазақстандықтарды алдағы мейраммен құттықтады.

«Біз мұсылмандар мен Қазақстанның өзге конфессияларының мейрамдарын да осылайша тойлаймыз. Бұл – біздің халық жанының кеңдігі. Көктемнің бұл күндерінде мен барлық қазақстандықтарға бейбітшілік, жақсылық, өзара түсінушілік пен саулық тілеймін», - деді Президент. 

«Біздің қоғамда адамдар өзарасыйластықты сақтайтын болса еліміз жарқын болатынына сенімдімін», - дейді Президент.

Естеріңізге сала кетейік, Астанадағы Бейбітшілік және келісім сарайында Елбасы, Қазақстан халқы Ассамблеясының төрағасының төрағалығымен «Қазақстан-2050»  Стратегиясы: мәдениет, бейбітшілік, руханият және келісім» тақырыбына Қазақстан халқы Ассамблеясының XXI сессиясы өтіп жатыр. 

Барлық жаңалықтар