ҚР Президенті 9 Мамырға орай Астанада Панфиловке ескерткіш орнатуды тапсырды

«Біз өзіміздің ардагерлеріміз бен батырларымыз туралы ұмытпауымыз қажет. Оған біздің ел мен ТМД елдерінің азаматтары құрбан болды. Олардың есімі ешқашан ұмыт болмауы тиіс», - деді Н.Назарбаев.

Осыған орай, ҚР Президенті Астана қаласының әкімі Иманғали Тасмағанбетовке Астана қаласында Панфиловке ескерткіш орнатуды тапсырды.

 «9-мамыр – барлығымыз үшін қастерлі күн. Астана әкіміне әйгілі генерал Иван Панфиловке ескерткіш орнату және елорданың жаңа көшелерінің біріне есімін беру туралы мәселені пысықтауды тапсырамын», - деді Мемлекет басшысы.

 «Таяуда ғана сәуір айында Ресейдің Псков облысында 1944 жылдың қаңтарында біздің жерлесіміз, павлодарлық Әбілқайыр Баймолдин жерленген қалалық алаңға оның есімі берілді. Жеңіс күнінде зират басында оның қола мүсінін ашуға дайындық жүріп жатыр. Бауырлас Ресей халқына соғыстың барша батырларына деген құрметі үшін алғыс білдіреміз», - деді Н.Назарбаев.