Қазақстандықтардың 97 пайызы ҚХА халқымыздың мүддесін қорғайды деп есептейді – Н. Назарбаев

«Ассамблея - ол барлық азаматтардық мүддесін қорғайтын жалпыхалықтық  саяси органның инновациалық үлгісі, біздің табысты жас демократиямыздың жарқын бейнесі. Ол еліміздегі  барлық  820 этномәдени бірлестіктердің жұмысын үйлестіреді. Бұл дегеніңіз 70 мың белсенділер, ал жалпы бұл жұмысқа 3 млн. астам азамат қатысады», - деп Н. Назарбаев атап өтті.

Оның пайымынша, Ассамблея саяси орган халықтық егемендікті шоғырландыратын болды.

«Атап өтерлік жайт, депутаттар тобына Ассамблеядан 21 мәжілісшілер кіреді. Олар барлық парламенттік партиялардың өкілдері. Жалпы, Ассамблея халықпен мемлекеттік органдар арасында нәтижелі диалог құруды қамтамасыз етеді және барлық этностордың өміріндегі қолайсыз жайттарды шешумен айналысып келеді», - деді сессия барысында Мемлекет басшысы.

Тек өткен жылдың өзінде Асамблея 10 мың шара өткізіп, оған 3, 5 млн.  адам қатыстырылды.

«Көптеген өңірлерде Мәдениет үйлер құрылып, жұмыс істеуде. Олар жыл сайын 720 мыңдай көрерменді қабылдайды. Осы тұрғыда еліміздегі Мәдениет үйлері түрлі ұлт пен ұлыстың мәдениеті мен руханиятының үндесіп, келісімнің салтанат құратын ордасына айналып отыр», - дейді Н.Назарбаев.

«Қазіргі таңда Ассамблеяның 2020 жылға дейінгі даму тұжырымдамасы іске асырылуда. Сауалнама жүргізілгн қазақстандықтардың  97,5 % Ассамблеяның барлық қазақстандықтардың мүддесін қорғайтын институт екенін айтады. Бұл өте керемет көрсеткіш», - дейдіЕлбасы.

Айта кетейік, Астана қаласында Бейбітшілік және Келісім сарайында Қазақстан Республикасының Президенті, Қазақстан халқы Ассамблеясының Төрағасы Нұрсұлтан Назарбаевтың төрағалығымен «Қазақстан - 2050» стратегиясы: бейбітшілік, руханият және келісім мәдениеті» күн тәртібімен Қазақстан халқы Ассамблеясының ХХІ сессиясы өтуде.