Н. Назарбаев: 2050 Стратегиясында біздің көпұлтты ұлы халқымыздың даналығы көрсетілген

«Біз 2030 жылға дейінгі стратегияның мерзімінен бұрын орындалуына қол жеткіздік. Бүгінгі күні бірлігіміз — жаңа 2050 стратегиясын іске асырудың негізгі факторы. Ең дамыған 30 елдің қатарына кіру - бұл барша қазақстандықтардың басты мақсаты, ортақ тағдыры. Стратегияда көпұлтты еліміздің табандылығы мен ерлігі айқындалған. Ол біздің рухни келісіміміз бен  мәдениетімізде көрсетілген», - деді Н.Назарбаев.

«Біріншіден, ол барлық қазақстанықтардың тең құқылығын айтты. «Біздің елімізде алалау мен кемсітудің ешбір түріне жол берілмейді және қоғамдық келісімге сызат түсіруге жол жоқ».

Оның айтуынша, екіншіден,  «экономикамыздың дамуына біздің барлығымыз да белгілі бір деңгейде жауаптымыз. Әр түрлі ұлттан құралған қазақстандықтар индустрияландыру, шағын және орта кәсіпкерлікті дамыту, ғылым мен білім, денсаулық сақтау мен спорт бағдарламаларына өз еңбектерін сіңіруде.

«Мемлекеттік  тіл туралы айта отырып біз өзара түсіністік пен болашақтың жағдайынан хабар береміз. Біз ширек ғасырдай уақытта нақты саясат ұстанып, тілімізді өзімізше дамыту үстіндеміз. Сонымен қатар, өзге де тілдерді жетімсіреткен емеспіз. Үш тұғырлы тіл саясатын іске асырып жатырмыз. Ұл біздің халықтың даму көрсеткіші. Қазақстан секілді өзге ұлттарға да жағдай жасап, өзінің де құндылықтарын ұстап тұрған басқа мемлекетті білмеймін», - деді ол.

Айта кетейік, Астана қаласында Бейбітшілік және Келісім сарайында Қазақстан Республикасының Президенті, Қазақстан халқы Ассамблеясының Төрағасы Нұрсұлтан Назарбаевтың төрағалығымен «Қазақстан - 2050» стратегиясы: бейбітшілік, руханият және келісім мәдениеті» күн тәртібімен Қазақстан халқы Ассамблеясының ХХІ сессиясы өтуде.