ЕЭО аясында көлік тасымалы тарифіне теңестіру болмайды - ҚТЖ
18 Сәуір, 2014 13:00
Еуразиялық экономикалық одақ туралы Шарттың жобасы бойынша жұмыс істеу барысында көлік тасымалы тарифін теңестіру мәселесі де қарастырылды, бірақ Қазақстан жағы оған келісім берген жоқ. Бұл туралы ОКҚ бүгінгі брифингі барысында «ҚТЖ» ҰК» АҚ корпоративті дамыту жөніндегі басқарушы директоры Еркін Жусанбаев баяндады.
Бәрімізге белгілі, Қазақстандағы көлік тасымалының тарифтері Ресейге қарағанда 2 есе арзан, деп атап өтті ҚТЖ өкілі.
«Тиісінше, Қазақстан жағы мәселенің негізді екеніне қарамастан, онымен келіскен жоқ. Сонымен қатар бізде ұлттық заңдылықтарға сай белгіленген, ҚТЖ экономикасында қалыптастырылатын шығындар базасына сәйкес келетін тарифтер сақталып қалды», - деп мәлімдеді Е. Жусанбаев.
Сондай-ақ, келіссөздер барысында айырықша тарифтер ұсыну, яғни жеңілдіктер беру, ұлттық деңгейде сақталады деп шешілді, деп ҚР Президенті жанындағы ОКҚ ресми порталы хабарлады.
